Քաղաքական

Ինչո՞ւ է ԲՀԿ-ն կողմ Սահմանադրական փոփոխություններին

hasmikdilanyan
Բարգավաճ Հայաստան կուսակցությունը կողմ է Սահմանադրական փոփոխություններին:  ԲՀԿ-ականներն  ակտիվորեն են մասնակցում են դեկտեմբերի 6-ին նախատեսված սահմանադրական փոփոխությունների հանրաքվեին: «Ռադիոլուր»-ի զրուցակիցը ԲՀԿ խմբակցության քարտուղար Վահե Էնֆիաջյանն է, ում հետ զրուցել ենք Սահմանադրական փոփոխությունների,  քարոզարշավի անցկացման ու  նաև այն մասին, թե ինչու է կուսակցությունը կողմ Սահմանադրական փոփոխությունենրին:

 

 

Հանդիպումներ  ու  պարզաբանումներ ՝ ՀՀ բոլոր մարզերում:  ԲՀԿ –ն շարունակում է Սահմանադրական փոփոխություններին նվիրված քարոզարշավը: ԲՀԿ խմբակցության քարտուղար Վահե Էնֆիաջյանի խոսքով,  անելիքները շատ են հատկապես իրազեկման հարթությունում:  Հայաստանի  քաղաքացին պետք է իրազեկված լինի, իրավական առումով  հասկանա,  թե ինչ փոփոխություններ են տեղի ունենալու, ինչ է փոխվելու նրանց կյանքում, եթե  այո  ասեն Սահմանադրությանը: ԲՀԿ-ն կօգտագործի իրազեկման բոլոր հարթակները, քանի որ կարևորում են  գործընթացը:  Հանդիպումներ ունենալով քաղաքաքացիների հետ, ԲՀԿ-ականները նկատում են, որ  հարցերի բովանդակությունը փոխվում է, դրանք  ավելի հիմքային բնույթ են կրում :

Ինչու՞  է ԲՀԿ-ն կողմ Սահմանադրական փոփոխություններին ,- հարցնում են ԲՀԿ խմբացկության քարտուղար Վահե Էնֆիաջյանին: Զրուցակիցս նախ  կուսակցության  ծրագրային դրույթներն է ներկայացնում, նշում, որ դրանք  մեծ ճանապարհ են անցել.

«Առաջին դրույթում հստակ ասված է, որ ԲՀԿ կողմնակից է  քաղաքական մեր կառավարման այս մոդելի մեջ հստակ բեևեռների ամրագրմանը, մասնավորապես, լիազորությունները ՀՀ նախագահի, իր սահմանաումենրով, կառավարության լիազորությունները ԱԺ լիազորությունները, դատական համակարգի գործառույթներն ու անկախության նախադրյալները:  Ուստի և այս համատեսքտում ԲՀԿ-ն  կողմակից է, որպեսզի երկրում տեղի ունենան վերը նշված փոփոխությունները, երկիրն էլ  անցնի խորհրդարանական կառավարման մոդելի»:

Անդրադառնալով  ՈՉ-ի կողմնակիցների՝ իշխանությունը Սահմանադրական փոփոխությունների է գնում՝ վերարտադրման  խնդիրը լուծելու նպատակով    դիտարկումներին, ԲՀԿ խմբակցության քարտուղարը նկատում է՝  դրանք քաղաքական մեկնաբանություններ ու  վերլուծութկուններ են, դրանց զուգահեռ պետք է նաև քաղաքգիտական մոտեցումը ներկայացնել.

«Կա աշխարհում կամ ՀՀ այնպիսի  մի քաղաքական միավոր, որը իշխանության չի ձգտում: Սա իրարամերժ մի հանգուցալուծման է բերոևւմ, այս համատեքստում պետք է փաստել, որ յուրաքանյչուր քաղաքակն միավոր, մասնավորապես այսօրվա հինգերորդ գումարման վեց քաղաքական ուժերը բնականաբար նրանք իրենց քաղաքական հայտը ներկայացրել են և հետագայում էլ փորձելու են իրենց ծրագրային դրույթները քաղաքական վերարտադրումով, հանրության քվեն ստանալով իրենց գործունեությունը որպես քաղաքական և խորհրդարանական  միավոր իրենց գործունեությունը ծավալել, բացառություն չեն  նաև արտախորհրդարանական ուժերը, որոնք մեր հասարակության մեջ բավականին մեծ թիվ են կազմում: Նրանց մեջ կան ամենատարբեր պոտենցիալ ունեցող քաղաքական միավորներ կան,  միաժամանակ սրանք այն քաղաքական ուժերն են, որոնցից յուրաքանչյուրն էլ ձգտում է իշխանություն կազմել եւ իր ծրագրերն իրականացնել»:

Իսկ ես հիշեցնեմ, որ ԲՀԿ կուսակցության՝  Հանրապետության փողոցի վրա գտնվող  կետրոնական   գրասենյակը շտաբային  գործառույթներ է իրականացնում, իսկ կուսակցության բոլոր ՝ 65 տարածքային գրասենյակներն  իրականացնում են շտաբային աշխատանքներ:

 

Back to top button