Եգիպտոսի նախագահ Աբդել Ֆատտահ ալ-Սիսին քննադատել է հնարավոր ահաբեկչության վարկածը որպես ռուսական A321-կործանման հիմնական պատճառ: Երկրի ղեկավարը իր տեսակետը հայտնել է Daily Telegraph-ի հետ զրույցում, հաղորդում է ՏԱՍՍ-ը: Այն, որ ինքնաթիռը կործանվել է ռումբի պայթյունի կամ հռթիռի հարվածի պատճառով, նրա կարծիքով «անհիմն ենթադրություններ» են: Եգիպտոսի Արաբական Հանրապետության նախագահը նաեւ հավելել է, որ նման տեղեկատվությունը «վաղաժամ է եւ հիմնված չեն իրական փաստերի վրա»:
«Կոգալիմավիա» ավիաընկերության Airbus A321 ինքնաթիռը կործանվել է տեխնիկական անսարքության հետևանքով: Դրա մասին են վկայում բոլոր ՝ ներառյալ արբանյակային տվյալները: Al-Hayat հեռուստաալիքի եթերում էլ հայտարարել է Եգիպտոսի կառավարության պաշտոնական ներկայացուցիչ Հուսամ ալ-Քուվեյշը:
«ԱՄՆ-ին և Ռուսաստանին պատկանող արհեստական արբանյակները բացառել են ահաբեկչության պատճառով աղետի հավանականությունը: Ամեն ինչ տանում է նրան, որ ինքնաթիռն ընկել է ներսում տեխնիկական անսարքության պատճառով»,- ասել է պաշտոնյան:
