Կիրակի օրը Թբիլիսիի վերօծված սուրբ Գևորգ եկեղեցում կատարվել է առաջին պսակադրությունը. Ամուսնացել են եկեղեցու որմնանակարների վերականգնման վրա աշխատող երիտասարդ ռեստավրատորներ՝ Դավիթ Հովհաննիսյանը և Աշխեն Պապյանը:
Պսակադրությունը կատարվել է կիրակնօրյա պատարագից հետո վիրահայոց թեմի առաջնորդ Վազգեն եպիսկոպոս Միրզախանյանի ձեռամբ:
Հիշեցնենք՝ հոկտեմբերի 31-ին Ամենայն Հայոց Կաթողիկոս Գարեգին երկրորդի հանդիսապետությամբ տեղի է ունեցել եկեղեցու վերաօծման արարողությունը, որին մասնակցել են Հայաստանի ու Վրաստանի պաշտոնյաները, եկեղեցու բարերարները, այդ թվում հիմնական մեկենաս Ռուբեն Վարդանյանը, նաև Վրաստանի նախկին վարչապետ Բիձինա Իվանիշվիլին:
Քաղաքի Մեյդան թաղամասում գտնվող Սուրբ Գևորգ եկեղեցին Թբիլիսիի հինավուրց եկեղեցիներից է, այն կառուցվել է 13-րդ դարում:
