Այսօր հոկտեմբերի 27-ն է, նորանկախ Հայաստանի պատմության ամենաողբերգական էջերից մեկի 16-րդ տարելիցը: 16 տարի առաջ այս օրը Հայաստանի խորհրդարանում փաստացի գլխատվեց իշխանությունը. ոճրագործությանը զոհ դարձան Հայաստանի վարչապետը, ԱԺ նախագահն ու փոխնախագահները, պատգամավորներ, ընդհանուր թվով՝ ութ պետական գործիչ:
Այսօր խորհրդարանում հարգանքի տուրք են մատուցել հոկտեմբերի 27-ի ոճրագործության զոհ դարձած գործիչների հիշատակին, Ազգային ժողովի այգում՝ հուշակոթողի մոտ տեղի է ունեցել հիշատակի արարողություն, որին մասնակցել են նաև Վազգեն Սարգսյանի եղբայր Արմեն Սարգսյանը, Արմենակ Արմենակյանի կինը՝ Արմինե Արմենակյանը և այլոք:
Հոկտեմբերի 27-ի բացահայտումը կախված է ոչ թե քաղաքական կամքից, այլ՝ իրավական փաստարկներից՝ այսօր ասել է ԱԺ նախագահ Գալուստ Սահակյանը և հույս հայտնել, որ գործը մի օր լիարժեք կբագահայտվի: Դա կախված է մեր աշխատանքից, մեր պետության հզորությունից՝ ասել է Գալուստ Սահակյանը:
Չլիներ հոկտմեբերի 27-ը, այսօր այլ Հայաստան կունենայինք՝ ասել է Ստեփան Դեմիրճյանը: Նրա գնահատմամբ՝ հոկտեմբերի 27-ի հետևանքներն առայօր հաղթահարված չեն:
Վազգեն Սարգսյանի եղբայրը՝ Արմեն Սարգսյանը, խոսել է իր կասկածների մասին, նշել, որ տեղի ունեցածը պետական դավադրություն է համարում:
