Երկրներ, որտեղ մարդիկ իրենց անվտանգ են զգում՝ գիշերը միայնակ քայլելիս. Ըստ Gallup կազմակերպության «Համաշխարհային իրավունք և կարգ-2015» զեկույցի՝ (Law and Order Index) Հայաստանը ներառված է «ամենաապահով» երկրների ցանկում:
Զեկույցը հիմնված է 2014 թվականին 141 երկրներում անցկացված ավելի քան 142.000 հարցազրույցների հիման վրա:
Հարցման մասնակիցներին ի թիվս այլ հարցերի, հետեւյալ հարցն են ուղղել. «Դուք Ձեզ ապահո՞վ եք զգում քաղաքում, կամ որտեղ ապրում եք գիշերը միայնակ քայլելիս»:
Ապահով երկրների տասնյակը գլխավորում է Սինգապուրը՝ 91 տոկոս: Տասնյակի 9-րդ հորիզոնականում է Հայաստանը՝ 82 տոկոսով:
Անապահով երկրների ցուցակը գլխավորում է Վենեսուելան՝ 22 տոկոս, տասնյակը եզրափակում է Զամբիան՝ 36 տոկոս:
