Իրանի առաջին փոխնախագահ Էսհաղ Ջահանգիրին չորեքշաբթի օրը կժամանի Հայաստան՝ ներկայացուցչական պատվիրակությամբ, որի կազմում են Իրանի տնտեսական եւ քաղաքական ոլորտի ներկայացուցիչներ, հաղորդում է Tasnim լրատվական գործակալությունը: Համաձայն Իրանի նախագահի պաշտոնական կայքի տեղեկության, Ջահանգիրին հանդիպումներ կունենա ՀՀ վարչապետի, ԱԺ նախագահի հետ: Հանդիպման ընթացքում կողմերը կքննարկեն երկու երկրների միջեւ հնարավոր փոխգործակցության պայմանները:
Ի թիվս պաշտոնական հանդիպումների, Իրանի փոխանախագահը ՀՀ վարչապետի հետ կմասնակցի Հայ-իրանական գործարար համաժողովին: Իրանի առաջին փոխնախագահը Երեւանում կայցելի Կապույտ մզկիթ՝ նշելու պատմական համալիրի կառուցման 250 ամյակը:
