Հունիսի 12-ից «Ռոսսելխոզնադզորը» ժամանակավորապես արգելում է Հայաստանից բուսասանիտարական բոլոր տեսակի ապրանքների ներկրումը Ռուսաստան, ինչպես նաև դրանց տարանցիկ փոխադրումը ՌԴ տարածքով դեպի ԵԱՏՄ այլ պետություններ։
Արգելքը տարածվում է ինչպես տեղական արտադրանքի, այնպես էլ Հայաստանից առաքվող բեռների վրա և կգործի մինչև անվտանգության վերահսկման հստակ ալգորիթմների համաձայնեցումը։
Ռուսական կողմն այս քայլը հիմնավորում է հունիսին հայկական ընկույզի, չրերի և չորացրած լոլիկի խմբաքանակներում «կապրային բզեզի» ենթադրյալ հայտնաբերմամբ՝ Հայաստանի պատասխանատու կառույցներին մեղադրելով թերի ֆիտոսանիտարական հսկողության և ԵԱՏՄ անվտանգությանը սպառնալու մեջ։
