Բարեխոսական կարգ՝ Ծիծեռնակաբերդի հուշահամալիրում

Գարեգին Բ կաթողիկոսը՝ Մայր Աթոռ Սուրբ Էջմիածնի միաբանների ուղեկցությամբ, ապրիլի 24-ին այցելել է Ծիծեռնակաբերդի հուշահամալիր՝ մասնակցելու Հայոց ցեղասպանության սուրբ նահատակների հիշատակի ոգեկոչման արարողություններին։

«Արմենպրես»-ի հաղորդմամբ՝ Գարեգին Բ կաթողիկոսը ծաղկեպսակ է զետեղել հուշահամալիրում, որից հետո անմար կրակի առջև նրա նախագահությամբ կատարվել է Հայոց ցեղասպանության սուրբ նահատակների բարեխոսական կարգ։