Անցած շաբաթ Հայաստանի շուրջ զարգացումները շարունակում էին առնչվել Իրանին։ Միացյալ Նահանգները տպավորիչ ռազմուժ է կենտրոնացրել Իրանի ուղղությամբ, և եթե մի կողմ թողնենք դիվանագիտական ձևակերպումները (թեև Միացյալ Նահանգների նախագահը առանձնապես չի հետևում դրանց), ապա Թրամփի կողմից շարունակ հնչող պահանջը հետևյալն է՝ համաձայնվե՛ք Վաշինգտոնի առաջարկներին, կա՛մ գործ ունեցեք ամերիկյան զինուժի հետ, ինչպես անցած տարվա հունիսին։
