Աիդա Ավետիսյան
«Ռադիոլուր»
Նոյեմբերի 17-ից 22-ը Երևանում ՀՀ մշակույթի նախարարության աջակցությամբ կանցկացվի «Նոր ձայներ, նոր հանդիսատես, ժամանակն է երկխոսության» կարգախոսով Թատրոնի միջազգային ինստիտուտի (ՅՈՒՆԵՍԿՈ) 34-րդ համաշխարհային կոնգրեսը: Կոնգրեսին մասնակցելու է մոտ 300 պատվիրակ Ասիայից, Եվրոպայից, Աֆրիկայից և Լատինական Ամերիկայից: Կոնգրեսին նախատեսվում են միջազգային պարային և թատերական նախագծեր, վարպետության դասընթացներ, շնորհանդեսներ և այլն: Իսկ երեկոյան ժամերին պատվիրակներն իրենց նախընտրությամբ կդիտեն ներկայացումներ, կծանոթանան Հայաստանի թատերական գործիչների հետ:
Թատրոնի միջազգային ինստիտուտը, որըւ միավորում է ավելի քան 100 երկրների կենտրոններ, երկու տարին մեկ անգամ հավաքվում և քննարկում են թատերարվեստի ոլորտի զարգացումներն ու մշակում նորարարությունները փոխանակելու քայլեր: Այս տարի ՅՈՒՆԵՍԿՈՆ թատրոնի զարգացման կյանքում մեծ նշանակությւն ունեցող այս միջոցառումը կազմակերպել է Հայաստանում, որն էլ Հայաստանի Թատերական գործիչների միության նախագահ Հակոբ Ղազանչյանը կարևորում է և կարծում, որ սա ստեղծագործական նոր կամուրջներ կառուցելու լավ հնարավորություն է:
Թատրոնի միջազգային ինստիտուտի գլխավոր տնօրեն Թոբիաս Բիանկոնենի խոսքով՝ Հայաստանի ընտրությունը պատահականորեն էր, ընտրության վերջին տարբերակն Ադրբեջանն է եղել:
«Մենք ցանկանում էինք գնալ այնտեղ, որտեղ կա խոսքի ազատություն: Հայաստանի մշակույթի նախարարությունում մեզ ասացին, որ այստեղ կարող ենք արտահայտվել ամեն ինչի մասին: Մենք եկել ենք այն երկիր, որտեղի թատրոնի մեջ սիրտ կա»:
Մոտակա 6 օրերի ընթացքում Երևանը կլինի թատերական մայրաքաղաք: Թատրոնի միջազգային ինստիտուտի նպատակն է խթանել միջազգային գիտելիքի փոխանակումը, թատորնի միջոցով խախաղության տարածումն ու ժողովուրդների միջև բարեկամության հաստատումը:
Թատորնի միջազգային ինստիտուտի փոխնախագահ Ալի Մահդի Նուրին.« Ինչպես գիտենք աշխարհի շատ երկրներ այսօր պատերազմական թոհ ու բոհի մեջ են: Այդ պատճառով էլ այսօր շատ կարևոր է դերասանների դերը խաղաղությանը նպաստելու համար»:
Թե ինչպես կզարմացնի մեր հայկական թատորնը օտարերկրյա հյուրերին, թատերական գործիչների միության նախագահ Հակոբ Ղազանչյանը նշեց, որ մեր ժամանակակից թատրոնն իր վերելքներով և բացթողումներվ առողջ թատրոն է և ակնկալիքներն այս միջոցառումից մեծ են :
