Բաքվում Եվրոպական խորհրդի նախագահ Շառլ Միշելը Ադրբեջանի նախագահի հետ համատեղ ասուլիսում ասել է, որ Եվրամիությունը պատրաստ է խաղալ կառուցողական դեր որպես միջնորդ Հայաստանի եւ Ադրբեջանի միջեւ՝ ի հավելումն Մինսկի խմբի ջանքերին։
«Մենք, իհարկե, հարգանքով ենք վերաբերվում Մինսկի խմբի դերին, բայց դա չի նշանակում, որ ԵՄ-ն էլ չի կարող տարածաշրջանում կայուն խաղաղության հաստատման հնարավորություններ ապահովելու համար տրամադրել որոշակի փորձառություն, աջակցություն, գաղափարներ, եւ խրախուսել որոշ հնարավոր բարելավումները՝ ավելի շատ կայունության, ավելի շատ անվտանգության համար»,- ասել է Շառլ Միշելը։
Նա այս մասին թվիթերում նաև տեսանյութ է հրապարակել:
The EU is ready to play a constructive role as an honest broker with #Azerbaijan and #Armenia in addition to the Minsk group efforts.
— Charles Michel (@eucopresident) July 18, 2021
We want to share our expertise to provide more stability and to promote sustainable peace in the region.@presidentaz pic.twitter.com/0eWpPvbd76
Շառլ Միշելի այցը Բաքու ավարտվել է, նա երեկ ժամանել է Վրաստան։
Եվրոպական խորհրդի նախագահն այսօր կմասնակցի Բաթումիի միջազգային համաժողովին, որի ընթացքում տեղի կունենա Արևելյան գործընկերության ասոցացված երկրների ղեկավարների հանդիպումը:
