Կառավարությունն այսօր հաստատել է Գյումրու և Վանաձորի տեխնոլոգիական կենտրոնների գործունեության իրականացման 2016 թվականի ծրագրերը: Էկոնոմիկայի նախարար Արծվիկ Մինասյանի տեղակացմամբ, Գյումրու տեխնոլոգիական կենտրոնում այս պահին տեղակայվել են 23 տեղական ու օտարերկյա կազմակերպություններ, ինչը հագեցվածության 99 տոկոս է նշանակում: Ծրագրի իրականացման արդյունքում 120 նոր աշխատատեղ է ստեղծվել, 1360 աշակերտ վերապատրաստվել է Գյումրու տեխնոլոգիական կենտրոնում: Այս տարի կշարունակվեն աշխատանքները, մասնավորապես նախատեսվում է տարեկան 300 տեխնոլոգիական մասնագետներ վերապատրաստել: Նախատեսվում է նույն փորձը կիրառել նաև Վանաձորում:
