Շիրակի մարզը համարվում է մեր երկրի հացահատիկի և կարտոֆիլի արտադրության կարևորագույն շտեմարաններից մեկը: Ներկայումս միջին հաշվարկով մարզի 4-5 հազար հեկտար կարտոֆիլի ցանքատարածքներում արտադրվում է 100- 110 000 տոննա կարտոֆիլի բերք: Գյումրիում կարտոֆիլի վերամշակման հոլանդական «Ֆարմ ֆրիտես» ընկերության զարգացման ծրագրերի պատասխանատու Յոս դեն Բոերի գլխավորած պատվիրակությունը հանդիպել է Շիրակի 2 տասնյակ կարտոֆիլագործ ֆերմերների ու գյուղատնտեսների հետ, քնարկել տարածաշրջանում Կարտոֆիլի վերամշակման գործարան կառուցելու և կարտոֆիլի սերմարտադրությունը զարգացնելու հեռանկարները:
