Հասարակություն

Արցախում դիզենտերիա է ախտորոշվել, տեղական կաթնամթերք չի վաճառվում

Լուսինե Ավանեսյան
«Ռադիոլուր»- Ստեփանակերտ

Լեռնային Ղարաբաղի Հանրապետության տարածքում  օգոստոսին արձանագրված աղիքային վարակը դիզենտերիա է, ախտորոշել են մասնագետները։ Հիվանդության բռնկումներ կան համարյա բոլոր շրջաններում: Հիվանդների մեծ մասը բուժումը ստանում է Ստեփանակերտի ինֆեկցիոն հիվանդանոցում և «Արևիկ» մանկական բուժմիավորումում:

Հիվանդության պատճառները պարզելու և տարածումը կանխելու համար մասնագետները համալիր ստուգումներ են սկսել: Արդեն երկու օր է Ստեփանակերտում տեղական կաթնամթերք չի վաճառվում: Կաթի վերամշակմամբ զբաղվող ընկերություններն ու նրանց աշխատակիցները ևս հայտնվել են սանիտարական   համալիր վերահսկողության տակ: Երևանից Արցախ են ժամանել  մի խումբ վարակաբաններ ՀՀ առողջապահության նախարարության գլխավոր վարակաբան Արա Ասոյանի գլխավորությամբ:

ՀՀ գլխավոր վարակաբան Արա Ասոյան, ԱՆ հիվանդությունների վերահսկման կենտրոնի հատուկ վտանգավոր և օդակաթիլային վարակների բաժնի պետ Լիանա Թորոսյան

 

Back to top button