ԿարևորՑեղասպանություն 100Քաղաքական

Կարմիր խաչը չի մասնակցում Ցեղասպանության եզրույթին վերաբերող բանավեճերին

«Մենք հասկանում ենք, որ մեծ հետաքրքրություն կա ճշգրտելու, թե որ երկրները կամ կազմակերպություններն են Օսմանյան տիրապետության տակ տեղի ունեցած այդ սարսափելի իրադարձությունները պաշտոնապես ճանաչում որպես ցեղասպանություն։ Սակայն, որպես չեզոք և անկախ մարդասիրական կազմակերպություն, ԿԽՄԿ-ն չի մասնակցում նմանատիպ բանավեճերի»,- հայտարարել է ԿԽՄԿ հայաստանյան պատվիրակության ղեկավար Սարա Էպրեխտը՝ Հայոց ցեղասպանության 100- րդ տարելիցի նախօրեին։

Անդրադառնալով 100 տարի առաջ Կարմիր խաչի գործունեությանը՝ Սարա Էպրեխտը նշել է, որ 20- րդ դարասկզբին կազմակերպությունը չուներ ծավալուն ներկայություն եւ զոհերի հասանելի լինելու հնարավորություն«Այնուամենայնիվ, այդ իրադարձություններին հաջորդող մի քանի տարիների ընթացքում ԿԽՄԿ-ն օգնություն է տրամադրել հայ երեխաներին։ Այն համակարգել է մի շարք կազմակերպությունների ջանքերը՝ օգնելու Հայաստանում Առաջին համաշխարհային պատերազմի հետևանքներից տառապող երեխաներին»,- ասել է Էպրեխտը։

Նա միաժամանակ նշել է, որ որ ԿԽՄԿ արխիվը բաց է եւ հետաքրքրվողները կարող են ուսումնասիրել այն։ «Աղբյուրներն արտացոլում են ԿԽՄԿ-ի պատմական դիրքորոշումը, ինչպես նաև կազմակերպության գործողությունները, որոնք հետևանք էին Օսմանյան կայսրությունում հայ ժողովրդի կոտորածի հանդեպ խորը մտահոգության»,- շեշտել ղ ԿԽՄԿ հայաստանյան պատվիրակության ղեկավարը։

Back to top button