Հասարակություն

Ներկայացվեց Լիլիթ Մարգարյանի նոր հավաքածուն`նվիրված Հայոց ցեղասպանության տարելիցին

arminegevorgyan
Ապրիլի 7-ին կայացավ  հայրենական նորաձևության հիմնադիրներից մեկի՝ Լիլիթ Մարգարյանի «Gallery 100» հավաքածուի ցուցադրությունը։ Այն նվիրված էր Հայոց ցեղասպանության 100-ամյա տարելիցին: Դիզայներ Լիլիթ Մարգարյանին  ոգեշնչել էին  10 հայ նկարիչներ, որոնց գործերի միջոցով ներկայացվում է հայ կնոջ պատմությունը. ինչպիսի՞ն էր հայ կինը Եղեռնից առաջ, Եղեռնից հետո, և ինչպիսի՞ն է խաղաղ օրերում: Միջոցառումն իրականացվում է ՀՀ առաջին տիկին Ռիտա Սարգսյանի աջակցությամբ: Իրականացմանը նպաստել էր նաև ՀՀ սփյուռքի նախարարությունը:

 

Ինքնատիպ և հետաքրքիր, հնի ու նորի միաձուլում: Այսպես են բնորոշում հայրենական նորաձևության հիմնադիրներից մեկի՝ Լիլիթ Մարգարյանի  նոր հավաքածուն`նվիրված  Հայոց ցեղասպանության տարելիցին:  Հավաքածուի հիմքում հայ կնոջ կերպարն է ու նրա ոճի զարգացումը, որն ուղեկցվել է պատմական և տարածքային բազմազան գործոնների ազդեցությամբ: Դիզայները կատարելության էր  հասցրել  1915-ին վերապրած հայ կին-անհատին, ով ոչ միայն կարողացել է պահպանել բարոյական բարձր արժեքները, այլև գեղարվեստի մեծ վարպետների սերունդ է դաստիարակել:

Լիլիթ Մարգարյանին  ոգեշնչել են 10 հայ նկարիչներ, որոնց գործերի միջոցով ներկայացվում է հայ կնոջ պատմությունը. ինչպիս­ի՞ն էր հայ կինը Եղեռնից առաջ, Եղեռնից հետո, և ինչպիսի՞ն է խաղաղ օրերում:

 

7

Ցուցադրությունը սկսվեց  Հովնաթան­­յա­նի կտավնե­րի հայու­հի­նե­րի, Հակոբ Հակոբյանի, Վահրամ Գաֆեսճյանի, Սուրեն­յան­ցի, Արշիլ Գորկու, Ասլամազյանի, Մինաս Ավետիսյանի, Սարգիս Մուրադյանի կտավնե­րի հայ կանանց կերպարներով: Այն եզրափակվեց  Սարյանի նկարների պայծառ գույներով:

11

Լիլիթ Մարգարյանը Հովնաթանյանի կտավների կանանց արդի շունչ էր հաղորդել  ու ներկայացրել այնպես, որ այդ կտավների կանանց հանգուստները հնարավոր լինի կրել 21-րդ դարում: Զգեստեներում գերիշխում էր նաև ավանդական օձիքներ, մի ամբողջ ժողովրդի պատմությամբ խամրած երանագներով: Ցուցադրություն ժամանակ հայուհիները բեմ դուրս եկան  նաև դեմքերը կիսածածկած: Զգեստներից մեկի թիկունքին էլ պատկերված էր նկարիչ Հակոբ Հակոբյանի կտավը:

«Ցանկացա ցույց տալ, որ կնոջ թիկունքին լավ տղամարդ է կանգնած»:

Նկատենք, որ ցուցադրումը իրականացվել  է Սփյուռքի նախարության կողմից՝   առաջին տիկին Ռիտա Սարգսյանի աջակցությամբ:  ՀՀ սփյուռքի նախարար Հրանուշ Հակոբյանը ասում է, որ  այսքան խստապահանջ հանդիսատեսին 100 զգեստ ներկայացնելը միշտ չէ, որ հնարավոր է:

«Մենք տեսանք գույներ, համադրություններ, հակադրություններ: Տեսանք մեր հզոր նկարիչներից վերցված գույներ և ձևեր: Ես կարծում եմ, որ ցուցադրությունը ստացվեց»:

Հրանուշ Հակոբյանը  գոհունակությամբ է նշում, որ մեր նորաձևության մեծերը «ձեռք են մեկնում» մեր նկարիչ մեծերին:

Իսկ ՀՀ մշակույթի նախարար Հասմիկ Պողոսյանի համար հետաքրիր էր գաղափարը ինքնին, քանի որ   նորաձևության միջոցով անդրադարձ էր կատարվել մեր անվանի վարպետների ստեղծագործությունների հերոս հանդիսացող կանանց, իրենց ամբողջական կերպարին և կրած զգեստներին:

Ի դեպ, Սփյուռքի նախարությունը այս ցուցադրության համար հատկացրել է երեք միլիոն դրամ գումար:

Նկարները՝  Kamoblog.tv կայքից

 

 

Back to top button