Ռուսական ռազմակայանը նոր տարածք կստանա
Կառավարության որոշմամբ, ՀՀ և ՌԴ կառավարությունների միջև 2012 թվականի հոկտեմբերի 3-ի` Հայաստանի Հանրապետության կառավարության և Ռուսաստանի Դաշնության կառավարության միջև Հայաստանի Հանրապետության տարածքում ռուսաստանյան ռազմակայանի տեղաբաշխման կետերի մասին արձանագրության մեջ այսօր գործադիւրի որոշմամբ, փոփոխություններ են կատարվելու որով հայկական կողմը ռուսական կողմին է հանձնելու թիվ 9 ռազմավանը՝ բաղկացած ռուսական եկեղեցու զբաղեցրած տարածքից ու ու սպասարկման համար անհրաժեշտ հողոմասից: Ռուսական ռազմաբազան տարածքն օգտագործելու է հոգևոր մշակութային կենտրոն կառուցելու համար:
Կհաստատվի մինչև 2016 թվականի հունվարի 1-ը կիրառվող հին սերնդի ՀԴՄ-ների շահագործման կանոնները
Գործադիրում այսօր էլ նախորդ նիստերի նման գերիշխող են տնետսական ուղղվածություն ունեցող նախագծերը: Եվ այսպես, կառավարությունն այսօր հաստատելու է մինչև 2016 թվականի հունվարի 1-ը կիրառվող հին սերնդի ՀԴՄ-ների շահագործման կանոններն ու ՀԴՄ –երին ու դրանց շահագործման համար օտագործվող ժապավեններին ներկայացվող պահանջները, որոնց համաձայ, ՀԴՄ-ն պետք է ունենա` ֆիսկալային հիշողություն, ծրագրային նշանաբառ մուտքագրելու հնարավորություն, մակնշվածք, հսկիչ հաշվիչների առնվազն 4 թվով կարգայնություն` հանված ցուցմունքների և մարումների համար, ինդիկատոր` պատասխանատու անձի համար: 2013 թ. հունվարի 1-ից ամսական ավելացված արժեքի հարկ վճարողների կողմից կիրառվող ՀԴՄ-ն պետք է լրացուցիչ ունենա՝ չջնջվող հիշող սարք՝ նվազագույնը 128 ՄԲ ծավալով:
Առողջապահության նախարարության առաջարկած «Դեղերի մասին» ՀՀ օրենքում առաջարկվող փոփոխությունները՝ կառավարության օրակարգում
Առողջապահության նախարարության առաջարկած «Դեղերի մասին» ՀՀ օրենքում առաջարկվող փոփոխությունները նույնպես կառավարության նիստի օրակարգում են ընդգրկված: Առաջարկվող նախագծով, Հայաստանում առաջին անգամ դեղերի գների պետական կարգավորում իրականացնելու հնարավորություն է տրվելու՝ կոնկրետ մեխանիզմների սահմանումը վերապահելով ՀՀ կառավարությանը: Օրենսդրական նոր լուծումներով դեղերի շրջանառության բնագավառի առանցքային հասկացություններում բացառվելու են տարընթերցումները, սահմանվելու են դեղային պետական քաղաքականության հիմնական սկզբունքները` որպես հիմնական նպատակ որդեգրելով դեղերի ֆիզիկական և ֆինանսական մատչելիության և դեղապահովման ոլորտում սոցիալական արդարության ապահովումը: Օրենսդրական կարգավորման են ենթարկվելու նաև դեղերի շրջանառության բոլոր փուլերը՝ սկսած դեղի ստեղծումից մինչև գովազդի և իրացման փուլեր, սպառողների շահերի առավելագույն պաշտպանություն ապահովելու սահմանվելու են են դեղերի փաթեթավորման, մակնշման, պիտակավորման պահանջները, ներառյալ հայերեն-ներդիրի առկայության պահանջը:
Նախագծով կարգավորվում են նաև դեղատնային գործունեությանը ներկայացված պահանջները՝ առավել մասնագիտական կարգավորումները վերապահելով կառավարությանը և լիազոր մարմնին, սահմանվում են օրենքի ընդունմամբ պայմանավորված անցումային դրույթներ, որոնք նպատակ ունեն նոր պահանջների ներդրումն իրականացնել հնարավորին չծանրաբեռնելով տնտեսվարողներին:Դեղատնային գործունեության իրականացնողների լիցենզիաների վերաձևակերպման համար պետական տուրք չի գանձվի, եթե դա իրականացվի օրենքն ուժի մեջ մտնելուց հետո 6 ամսյա ժամկետում : Նախագծով դեղերի մեծածախ իրացման համար սահմանվում է լիցենզավորման պահանջ:
Մասնավորապես լիցենզիայի կասեցման հիմք է հիմք է առաջարկվում սահմանել լիցենզավորման ենթակա գործունեության իրականացման ժամանակ այդ լիցենզիայի պահանջների ու պայմանների այնպիսի խախտումը, որը ուղղակի կամ անմիջական վտանգ կամ ռիսկ է պարունակում մարդկանց կյանքի կամ առողջության համար:Այս դրույթի սահմանումը հնարավորություն կտա առողջապահության ոլորտում լիցենզավորման ենթակա գործունեության զբաղվողների լիցենզիաները կասեցնել բոլոր այն դեպքերում, երբ դրանց գործունեության ընթացքում հայտաբերված խախտումները ռիսկեր են պարունակում մարդկանց կյանքի կամ առողջության համար:
Բարձրացվում է գործող մի շարք տուգանքների չափերը: Դեղերի մասով առաջարկվում է պատասխանատվություն կիրառել խախտման առարկա հանդիսացող յուրաքանչյուր անվանման դեղի կամ արտադրանքի համար, ինչի ներկայումս չի կիրառվում որպես մոտեցում: Պահանջների խստացումը ինչպես արարքների ընդլայնման, այնպես էլ տուգանքների չափերի բարձրացման մասով նպատակ ունի պատասխանատվության դաշտ ստեղծել դեղերի շրջանառության բոլոր փուլերի համար՝ այդպիսով կանխարգելելով դեղերի շրջանառության ոլորտում խախտումները և բարձրացնելով շրջանառվող դեղերի անվտանգության, որակի և արդյունավետության մակարդակը:
Սահմանվում է քրեական պատասխանատվություն կեղծ դեղերի արտադրության համար, (ներկայումս սահմանված է պատասխանատվություն միայն պատրաստման համար) դեղերի կլինիկական փորձարկումների արդյունքների կեղծման կամ թաքցնելու համար, եթե դա անզգուշությամբ միջին ծանրության կամ ծանր վնաս է հասցրել առողջությանը կամ առաջացրել մարդկանց մահ: Նախագծով սահմանվում է, որ պետական վերահսկողության շրջանակներում ստուգում սկսելուց 3 աշխատանքային օր առաջ տնտեսվարողին ծանուցելու պահանջը չի տարածվելու դեղերի շրջանառության ոլորտում օրենքով նախատեսված գործունեություն ծավալող տնտեսվարողներին ստուգելու դեպքերի վրա: Այս դեպքերում ստուգող մարմինը համապատասխան հրաման կամ հանձնարարագիր ունենալու դեպքում, անմիջապես կարող է ստուգում անցկացնել: Գործող օրենքում նման դրույթը տարածվում է միայն դեղատնային կամ դեղագործական գործունեություն իրականացնող տնտեսավարող սուբյեկտների նկատմամբ:
Մինչդեռ «Դեղերի մասին» ՀՀ օրենքի նախագծով դեղագործական գործունեություն» հասկացությունը չի կիրառվում և օրենքի ընդունումից հետո փոփոխությունը չկատարելը կբերի կիրարկման խնդիրների: Նախագծով առաջարկվող մի շարք նոր մոտեցումներով պայմանավորված ԱՆ Արմեն Մուրադյանն այսօր կառավարությաննը նաև առաջարկելու է ընդունել օրենքների մի ամբողջ փաթեթում առաջարկվող փոփոխությունները: Ի դեպ, օրենքներում առաջարկվող փոփոխությունների արդյունքում ակնկալվում է դեղերի ֆիզիկական և ֆինանսական մատչելիության էական բարձրացում, բնակչությանը որակյալ, արդյունավետ և անվտանգ դեղերով ապահովում, դեղերի շրջանառության ողջ շղթայի արդյունավետ գործունեության համար հստակեցված և գործուն մեխանիզմների սահմանում, դեղերի շրջանառության ոլորտում իրավախախտումների էական նվազում:
