ԿարևորՑեղասպանություն 100Քաղաքական

Լեհաստանը կընդունի Ցեղասպանության մասին նոր բանաեւը. մեկնարկեց Եվրանեսթ ԽՎ լիագումար նիստը

lusinevasilyan

Ադրբեջանական կողմն ընդառաջ չի գնում կառուցողական երկխոսության հաստատմանն ուղղված քայլերին՝ Եվրանեսթ Խոհրդարանական վեհաժողովի չորրորդ լիագումար նիստի բացմանն այսօր հայտարարել է Սերժ Սարգսյանը՝ եվրոպացի գործիչներին կոչ անելով գնահատական տալ Ադրբեջանի կեցվածքին:   «Չենք ցանկանում այս ամբիոնը վերածել քարոզչության հարթակի, ինչպես դա տեղի ունեցավ Ադրբեջանում, այլ փորձում ենք վեհաժողովի ընձեռած հնարավորությունները ծառայեցնել մեր ժողովուրդների խաղաղ գործին»,- հայտարարել է հանրապետության նախագահը:

Նա ելույթում անդրադարձել է նաև Հայաստան-Եվրամիություն հարաբերություններին, թեման շաշափվել է նաև եվրոպացի բարձրաստիճան պաշտոնյաների  ելույթներում։

Ըստ հանրապետության նախագահի՝ շաբաթը Հայաստանի համար իրավամբ եվրոպական է. Երևանում անցկացվում է  Եվրանեսթի խորհրդարանական վեհաժողովի հերթական ՝ չորրորդ լիագումար նիստը, դրանից հետո նախատեսվում է Սերժ Սարգսայանի այցը Բրյուսել՝ մասնակացելու ԵԺԿ գագաթնաժողովին, առաջիկա օրերին Երևանում սպասվում է  նաև ԵՄ խորհրդարանական համագործակցության հանձնաժողովի նիստը: Սա նշանակում է, որ ՀՀ-ԵՄ հարաբերությունները զարգանում են դինամիկ կերպով, ասաց  նախագահը  և կրկնեց այն մոտեցումը, որ Հայաստանը համատեղելի է համարում ԵՏՄ անդամակցությունն ու ԵՄ-ի հետ համագործակցության խորացումը, թվարկեց ոլորտները, որտեղ տեսնումէ համագործակցության անհրաժեշտությունը:

«Հայաստանը հանձնառու է զարգացնել համագործակցությունը Եվրամիության հետ՝ ուղղված ժողովրդավարական հաստատությունների և դատական համակարգի շարունակական բարելավմանը, մարդու իրավունքների և իրավունքի գերակայության խթանմանը, արդյունավետ կառավարմանը, կոռուպցիայի դեմ պայքարին, քաղաքացիական հասարակության ամրապնդմանը, առևտրի ու ներդրումների ընդլայնման համար գործարար միջավայրի հետագա կատարելագործմանը, շարժունակության և գործընկերության շարունակական իրականացմանը և ոլորտային համագործակցության ընդլայնմանը»:

Ս.Սարգսյանը նշեց, որ այս տարի ամբողջ հայությունը  ոգեկոչում է Օսմանյան կայսրությունում տեղի ունեցած Հայոց  ցեղասպանության զոհերի հիշատակը, հիշեցրեց, որ  Եվրոպական խորհրդարանը եվրոպական կառույցներից առաջինն էր, որ բանաձևով դատապարտեց հայերի հանդեպ ոճրագործությունը:

Անդրադառնալով ԼՂ կարգավորոման գործընթացին՝ Ս.Սարգսյանը նկատեց, հայկական կողմը չի պատրաստվում Եվարնեսթի ամբիոնը վերածել քարոզչության հարթակի, ինչպես եղավ Ադրբեջանում: Որպես ապացույց նշեց հայկական պատվիրակության մասնակցութունը Բաքվում տեղի ունեցած նիտսին և ցավ հայտնեց, որ Ադրբեջանի պատվիրակները չեն եկել Երևան: Բաքուն ապակառուցողական դիրքորոշում է դրսևորում՝ հետ կանգնելով ձեռք բերված պայմանավորվածություններից ՝ հայտարարեց նախագահը , եվրոպացի պատվիրակների ուշադրություննը հրավիրելով ադրբեջանական կողմի կեցվածքի վրա:

«Խնդրի լուծման բանալին գտնվում է ոչ թե Փարիզում, Մոսկվայում կամ Վաշինգտոնում, այլ՝ Բաքվում, Ստեփանակերտում և Երևանում: Մինչդեռ Ադրբեջանը մտացածին պատրվակներ է գտնում համանախագահողների առաջարկած սկզբունքների հիման վրա կարգավորումից խուսափելու նպատակով:Կարծում եմ՝ անհրաժեշտ է միջազգային հանրության, եվրոպական կառույցների աներկբա գնահատականը այդ երկրի նման գործելակերպին»։

Եվրախորհրդարանի փոխնախագահ Ռիչարդ Չարնեցկին նկատեց,  որպես լեհ հպարտ է, որ լեհական խորհրդարանն արդեն ճանաչել և դատապարտել է Ցեղասպանությունը: Նա նշեց, որ Լեհաստանն ընդունելու է նոր բանաձև, որ կքննարկվի ապրիլի 24-ին:  Իսկ արդեն Եվրախորհրդարանի նախագահ Մարտին Շուլցի անունից փոխանցեց՝  ԱԼԳ երկրների հետ հետագա համգործակցությունը Եվրոպան մտադիր է շարունակել արդեն ծանոթ ՝ «Ավելին ավելիի դիմաց, նվազ նվազի դիմաց» սկզբունքով,  բայց  անհատական ձևաչափերով:

Ըստ նրա՝ 3 երկրների հետ ստորագրվել են Ասոցացման համաձայնագրեր, մյուս երկրները որոշել են իրենց հարաբերությունները ԵՄ հետ զարգացնել այլ ֆորմատով: Նա հարցադրում արեց, թե որքանո՞վ է անհրաժեշտ շարունակել բարեփոխումները, եթե ԵՄ անդամակցության հեռանկար չկա և պատասխանեց իր իսկ հարցին՝ Եվրոպան պատրաստակամ է շարունակել, Հայաստանն էլ վստահեցում է, որ ցանկանում է շարունակել: Ուրախ եմ, որ պատրաստակամություն կա ԵՄ-ի նոր փաստաթուղթ ստորագել, ասաց Եվրախորհրդարանի փոխնախագահը:

Այսօր և վաղը Երևանում Եվրանեսթի պատվիրակները լիագումար նիստի ընթացքում կքննարկեն 4 մշտական հանձնաժողովների  թեմատիկ զեկույցները: Սպասվում է, որ Եվրանեսթը    Երևանում նաև 2 բանաձև կընդունի՝ Ուկրինայի և Հայոց ցեղասպանության վերաբերյալ, ակնկալվում է նաև հայտարարության ընդունում՝ ԱլԳ Ռիգայի գագաթնաժողովից առաջ:

 

Back to top button