ԿարևորՀասարակություն

ԼՂՀ ոստիկանությունն ավարտել է Բերձորի դեպքի առիթով ծառայողական քննությունը

Լուսինե Ավանեսյան
«Ռադիոլուր»- Ստեփանակերտ

Արցախ ի ոստիկանությունում ավարտել հունվարի 31-ին Քաշաթաղի շրջանում տեղի ունեցած  դեպքերի կապակցությամբ սկսված ծառայողական քննությունը:
Հիշեցենք, որ  հունվարի 31-ին Հիմնադիր խորհրդարանն  իրազեկման ավտոերթ էր կազմակերպել դեպի  Արցախ, որը, սակայն, Քաշաթաղի շրջանի  Բերձոր քաղաքից ոչ հեռու  խափանվել էր: Ոստիկանությունը քաղաքացիական անձանց հետ ուժ էր գործադրել և Հիմնադիր խորհրադարանի անդամներին ստիպել հրաժարվել Ստեփանակերրտ մեկնելու մտքից: Ուղիղ մեկ ամիս առաջ ԼՂՀ նախագահ Բակո Սահակյանը ԼՂՀ ոստիկանապետին հանձնարարել էր  մանրակրկիտ ծառայողական քննություն անցակացնել:

Փետրվարի 3-ին ԼՂՀ ոստիկանապետ  Կամո Աղաջանյանի հրամանով  ծառայողական քննություն  էր նշանակվել՝   ԼՂՀ-ում «100-ամյակն առանց ռեժիմի» շարժման կողմից իրազեկման ավտոերթի անցկացման ժամանակ հասարակական կարգի և հասարակական անվտանգության ապահովում իրականացրած ոստիկանության ծառայողների ծառայողական պարտականությունների կատարմանը, նրանց գործունեությանն ու դրսևորած վարքագծին առնչվող հարցերի քննության նպատակով: Դրա իրականացումը հանձրարավել էր համապատասխան լիաղզորություններ ունեցող խմբին:

Այսօր ոստիկանությունը հայտարարել է  որ քննությունն ավարտաված է: Տարածած տեքստում արդեն իսկ գնահատական կա՝ նշվում է, որ ավարտվել է  ոստիկանության ծառայողների կողմից կատարված  կարգապահական կոպտ խախտումի վերաբերյալ ծառայողական քննությունը: Դրա արդյունքները դեռևս չեն հրապարակվում:

Ոստիկանության հասարակայնության հետ կապերի և լրատվության ծառայության պետ  պետ Ֆելիքս Հարությունյանը հայտնեց, որ ծառայողական քննության նյութերը մարտի 6- ին կհրապարակվեն ոստիկանության կարգապահական հանձնաժողովի նիստում։

Այս ծառայողական քննության արդյունքերը պիտի զեկուցվեն նախագահ Բակո Սահակյանին, ինչպես  նախագահի աշխատակազմի փետրվարի 3-ի տարարածած հաղորդագրությունում է նշված՝ անհրաժեշտ եզրահանգումների համար:

Ինչ վերաբերում է Հիմնադիր խորհրդարանի անդամներ Քերոբ Ղազարյանին, Մխիթար Ավետիսյանին  և նրանց  ուղեկցող այլ անձանց Աղավնոյի մոտակայքում ծեծի ենթարկելու և մեքենաները վնասելու առթիվ հարուցված քրեական գործերին, ապա  նախաքննությունը դեռևս շարունակվում է:

Back to top button