Ազգային ժողովի քառօրյան հագեցած էր, բայց այն ամփոփող ճեպազրույցների ժամանակ խորհրդարանական ուժերը խոսել են առավելապես քաղաքական թեմաներից: Ճեպազրույցները ևս, ինչպես քառօրյա նիստերն, ընթացել են առանց Բարգավաճ Հայաստանի պատգամավորների մասնակցության, բայց քննարկումները վերաբերել են հենց ԲՀԿ-ին ու քաղաքական դաշտի վերադասավորումներին: Առաջիկա քայլերի մասին խոսելիս՝ խորհրդարանական ուժերը նախաընտրում են են չշտապել ու սպասել ԲՀԿ համագումարի արդյունքներին: ՀԱԿ-ն այդ ընթացքում հանրահավաք է նախատեսում, իսկ խորհրդարանական մեծամասնությունը ընդդիմադիրներին հորդորում է տեղի ունեցածից դասեր քաղել:
