«Ես պատրաստել եմ հրապարային ուղերձ, հիասթափություների այս աշխարհում կարող եմ փոքր-ինչ հիասթափեցնել ձեզ՝ ասելով, որ պետք է խոսք ընթերցեմ, իսկ հարցերին՝ ուրբաթ օրը ժամը չորսին, Ազատության հրապարակում կպատասխանեմ»,- հայտարարեց «Ժառանգություն» կուսակցության ղեկավարը: Վերջինս հրաժարվեց պատասխանել լրագրողների հարցերին: Լրագրողները ընդդիմադիր գործչին մեղադրեցին, որ ամեն անգամ ասուլիս է հրավիրում, հայտարարությամբ հանդես գալու հայտ ներկայացնում, բայց կրկին խուսափում է հարցերին պատասխանելուց: Ի պատասախան լրագրողների այս դիտարկմանը՝ Րաֆֆի Հովհաննիսյանը միայն բազմանշանակ ժպտում էր, ու շարունակում էր կարդալ ուղերձը ,իսկ արդեն ավարտին հայտարեց , որ անկախ ամեն ինչից փետրվարի 20-ին լինելու է Ազատության հրապարակում, ու խնդրեց լրագրողներին իրեն բացակա չդնել:
