Բժշկագիտության ճյուղերից ուռուցքաբանությունը Հայաստանում համեմատաբար նոր մասնագիտություն է: Բավական է նշել, որ մինչև 1937 թվականը ուռուցքաբանական հիմնարկներ չեն եղել: Այսօր գրեթե նման իրավիճակ է մանկական օնկոլոգիայի առումով: Հայաստանում միակ մանկական ուռուցքաբանի համար թեև դժվար է միայնակ այդքան մեծ պատասխանատվություն կրել ուսերին, սակայն, պրոֆեսիոնալ թիմի աշխատանքների շնորհիվ կարողանում են պատվով հաղթահարել իրավիճակը: Թե ինչու Բժշկական համալսարանը արդեն 10 տարի է չի տալիս մանկական օնկոլոգներ պարզել են «Ռադիոլուրի» լրագրողները:
