«Հիմնադիր խորհրդարանի»՝ դեպի Լեռնային Ղարաբաղ մեկնող ավտոերթի մասնակիցների վրա այսօր Բերձորի մոտ ոստիկանական մեքենաներով անհայտ անձինք են հարձակվել, ծեծի են ենթարկել նրանց, ջարդել մեքենաների ապակիները:
Ըստ հաղորդագրության՝ «100-ամյակն առանց ռեժիմի» նախաձեռնության մասին իրազեկող Ժիրայր Սեֆիլյանը և երթի մյուս մասնակիցները ստացել են մարմնական վնասվածքներ: Վիրավորվել է «Նոյան Տապան»-ի լրագրողը։
«Հիմնադիր խորհրդարան»-ի հաղորդագրության մեջ ասված է նաեւ, որ ծեծի են ենթարկվել նաև ազատամարտիկներ, ովքեր պետք է դիմավորեին Երևանից-Արցախ ավտոերթով մեկնող մեքենաներին:
