Հասարակություն

Խունկ և աղոթք Ավետիսյանների  հոգիների համար, նրանց շիրիմներին

satikisahakyan
Այսօր երեկոյան Արմավիրի սուրբ Գրիգոր Նարեկացի եկեղեցում թեմի հոգևորականները հոգեհանգստի կարգ են կատարել՝  ի հիշատակ Գյումրիում ոճրագործության զոհ դարձած փոքրիկ Սերյոժայի և Ավետիսյանների ընտանիքի անդամների: Բազմաթիվ արմավիրցիներ մոմեր են վառել և աղոթել նրանց համար: Բոլորն էլ պահանջել են , որ ոճրագործը պատժվի Հայաստանում և ոճրագործության դրդապատճառներն ամբողջությամբ  բացահայտվեն:

 

 

Արմավիրը սգում է Գյուրմրիում ոճրագործության զոհերին  և իր զորակցությունը հայտնում Ավետիսյանների հարազատներին: Երեկ հանգչեց Ավետիսյանների տան վերջին ճրագը: 7 օր մահվան դեմ պայքար տված 6 ամսական  Սերյոժայի կյանքը չհաջողվեց փրկել: Նրա և իր ընտանիքի անդամների մահը դարձավ համազգային վիշտ: Այսօր երեկոյան  Արմավիր քաղաքի սուրբ Գրիգոր Նարեկացի եկեղեցում Արմավիրի թեմի հոգևորականները հոգեհանգստի կարգ են կատարել ի հիշատակ փոքրիկ Սերյոժայի և Ավետիսյանների ընտանիքի անդամների :

Բազմաթիվ արմավիրցիններ լուռ իրենց հարգանքի տուրքն են  մատուցելև մեկական մոմեր վառելով՝ աղոթել նրանց հոգիների փրկության համար:

Արմավիրի սուրբ Գրիգոր Նարեկացի եկեղեցին մարդաշատ էր, այստեղ էին նաև Արմավրի մարզպետ Աշոտ Ղահրամանյանը, Աժ պատգամավոր Ռուստամ Գասպարյանը, մտավորականներ, քաղաքացիներ: Արմավիրի մարզից գրող հրապարակախոս Ռաֆայել Սահակյանը խորը վշտով ցավում Ավետիսյանների ընտանիքի կորուստը, որը մեր պետության հիմքի մի մասնիկն էր.

,,Ոճրագործը պետք է պատժվի օրենքի ողջ խստությամբ մեր երկրում  և մանրազնին քննությամբ  պետք է բացահայտվեն  պատճառները,,:  Շատերն այն կարծիքին են, ռուս  ոճրագործը մենակ չի եղել:

,,Հայ և ռուս իրավապահ մարմինների համատեղ հետաքննությամբ կբացահայտվեն ոճրագործության իրականացման դրդապատճառները,,- համոզմունք հայտնեց Արմավիրի մարզպետ Աշոտ Ղահրամանյանը:

Աժ պատգամավոր Ռուստամ Գասպարյանը նույնպես հույս հայտնեց  ոճրագործության ամբողջությամբ բացահայտման համար և համոզված է և սա այլ ուժերի ներգործությամբ է իրականացվել՝ սեպ խրելու հայ և ռուս բարեկամության մեջ: Եթե չլիներ Շիրակի թեմի հոգևոր առաջնորդ տեր Միքայել եպիսկոպոս Աջապահյանի և պատգամավորի միջամտությունը, ում ժողովուրդն անվերապահորեն հավատում է, ապա դեպքերն այլ ընթացք կունենային, տուժածներն էլ՝ շատ:

Ողջ Արմավիրն է պահանջում արդար դատավարություն, որը պետք է իրականացվի միայն Հայաստանում, հայ իրավապահների կողմից: Արմավիրցիները ի նշան հարգանքի մեկական մոմ վառեցին եկեղեցում և եկեղեցու բակում, օդապարուկներ բաց թողեցին երկինք, տարբեր մակագրություններով՝ դու պետք է ապրեիր, փոքրիկ հրեշտակ, քո կյանքը չհաջողվեց փրկել և այլ մակագրություններ:

Փոքրիկ Սերյոժա դու միացար քո մայրիկին ու գտար ընտանիքդ երկնքում: Լույս իջնի հոգուդ հրեշտակ:

 

Back to top button