Գյումրիում տեղի ունեցած դաժան սպանության մեջ հիմնական կասկածյալը ռուս զինվորական Պերմյակով Վալերի Պավլովիչն է, տեղեկացրել է ՀՀ Քննչական կոմիտեի մամուլի խոսնակ Սոնա Տռուզյանը` հավելելով, որ իրենք ահազանգ են ստացել Գյումրու զորամասից, որ զինծառայող է փախուստի է դիմել:
«Դեպքի վայրում գտնվել են զինվորական կոշիկներ, որոնց վրա գրված է եղել փախուստի դիմած զինծառայողի անունը և ազգանունը»,-ասել է նա:
Նշենք, որ, բացի այդ, դեպքի վայրում հայտնաբերվել է ԱԿ 74 տեսակի ինքնաձիգ, 5.45 մմ տրամաչափի պարկուճներ և մեկ պահունակ` փամփուշտներով: Միջոցներ են ձեռնարկվում հանցագործություն կատարած անձին հայտնաբերելու ուղղությամբ:
