Հասարակություն

Բնապահպանական աղետը կանխողը էկոգիտակից ժողովուրդն է. բնապահպան

hasmikdilanyan
Այսօր բնապահպաններն ամփոփել են 2014 թ ու ձեռքբերումներին զուգահեռ նաև մի շարք բացթողումներ նշել: Դրական որոշ քայլեր նկատելի են, սակայն, մտահոգություններ կան, որ դրանք անավարտ են մնալու: Որպես դրական զարգացում թե Հանուն կայուն մարդկային զարգացման ասոցիացիայի Հ/Կ նախագահ Կարինե Դանիելյանը, և թե Բնապահպանական համահայկական ճակատի անդամ Լևոն Գալստյանն առանձնացրել են Արարատյան ստորգետնյա ջրավազանի վերակագնման ուղղությամբ իրականացվող քայլերը: «Լուրջ հարված Սևանին», ոռոգման նպատակով Սևանա լճից ջուր բացթողնելն  այսպես է  բնութագրել բնապահպան Կարինե Դանիելյանը, ով մայրաքաղաք Երևանում դրական փոփոխություն է համարել  աղբահանության  նոր օպերատորի մուտքը, սակայն, նկատել, որ  աղբամանները չեն բավարարում, դրական է նաև  շրջանցիկ ճանապարհների  կառուցումը:  

Բնապահպաններն ահազանգում են՝  ամբողջ աշխարհում  էկոլոգիական ճգնաժամ է՝ տարվա ընթացքում  տարատեսակ աղետներն ու  հիվանդությունները ոչ թե նվազում են, այլ ավելանում:  Սա բնության արձագանքն է՝ մարդկային գործողություններին: Հայաստանն էլ այդ գործընթացներից  անմասն չէ, բնությունը  շարունակում ենք անխնա ոչնչացնել, Հանուն կայուն մարդկային զարգացման ասոցիացիայի Հ/Կ նախագահ Կարինե Դանիելյանը  առանձնացնում է անհանգստացնող հարցերը Սևանա լիճը շարունակում անհանգստացնել բնապահպանին, նրա կարծիքով, Սևանա լճից ոռոգման նպատակով ջուր բացթողնելը ճիշտ չէր, վերջին տարիներին Սևանա լճի մակարդակի բարձրացմանն  այժմ վնաս ենք  հասցնում, ասում է բնապահպանը, ով նաև դրական է գնահատում Արարատյան ստորգետնյա ջրավազանի վերականգնման ուղղությամբ իրականացվող քայլերը: «Փորձենք փրկել Արարատյան ավազանը լավ, բայց արդյունքները կարող ենք տեսնել»:

Բնապահպաններն ու  իշխանությունը ընդհանուր հայտարարի չեն գալիս հանքարդյունաբերության ոլորտի զարգացման հարցում: Հարցը քննարկվում է բոլոր ատյաններում, սակայն, ոլորտը լայն թափով է զարգանում Հայաստանում: «Սա պատահական չէ, ասում է բնապահպանն ու հայտարարում՝ ԽՍՀՄ-ի փլուզումից հետո միջազգային ֆիանսնական կառույցները նպատակ էին դրել մեր երկրները դարձնել հումքային կցորդ, և դա նրանց հաջողվեց»:

Անկախ  բնապահպանների դիտակումներից, հանքարդյունաբերությունը շարունակում է զարգանալ: Ավելին, 2015թ ներդրումների մի մասն էլ ակնկալվում է հանքարդյունաբերությունից: Հայաստանում   460 շահագործվող հանքավայր կա,  որից 20-ից ավելին, մետաղական են, շուրջ 80 մետաղական հանքավայրի  տրված է  ուսումնասիրման իրավունք, եթե պաշարները հաստատվեն, ապագայում կարող են շահագործվել: Բնապահպանական համահայկական ճակատի անդամ Լևոն Գալստյանը  վստահ է, թվերը ավելի քան խոսում են, դրանք փոքր Հայաստանի վրա ազդեցություն ունենալ չեն կարող: Ամենապարզ  օրինակը Ամուլսարի հանքավայրի շահագործման օրինակն է:

Բնապահպանական համահայկական ճակատի անդամը  վստահ է՝ բնապահպանական աղետը կարելի է  կանխել՝ միայն էկոգիտակից ժողովրդի միջոցով, որից էլ ենք առայժմ հեռու,«Ժողովուրդն ինքը պետք է տեր կանգնի իր  առողջ միջավայրի պահպանմանը»:

Back to top button