Քաղաքական

Հօդս ցնդեց ադրբեջանական բանակի հզորության մասին միֆը.Բեքարյան

annanazaryan

2014-ի հուլիս-օգոստոս ամիսներին, իսկ ավելի ուշ նաև հայկական ուղղաթիռը խոցելու հակառակորդի գործողությունները ջուրը գցեցին բանակցային գործընթացում ներդրած ջանքները: Ու թեև ֆորմալ առումով արցախյան խնդրում հետընթաց է արձանագրվել եւ միջնորդներն աշխատել են լարված վիճակը լիցքաթափելու ուղղությամբ, սակայն ըստ Կարեն Բեքարյանի՝ առաջընթաց է արձանագրվել հոեգեբանական առումով.  հօդս ցնդեց ադրբեջանական բանակի հզորության մասին միֆը, Ադրբեջանի հանրությունը ազդակ ստացավ իր երկրի իրական հնարավորությունների մասին:  Բացի այդ, ըստ Եվրոպական ինտեգրացիայի ղեկավարի, որոշակի մեսիջներ տրվեցին և կողմերին, և միջազգային հանրությանը:

Հուլիս-օգոստոսյան դեպքերից հետո առաջնահերթ դարձավ Հայաստանի ու Արցախի անվտանգության հարցը, ինչը հիմք տվեց քաղաքագետներին ու պատերազմում իրենց ավանդն ունեցած հրամանատարներին որոշ առաջարկներ վերանայել, ասաց Կարեն Բեքարյանը:

Ադրբեջանն իր արկածախնդրությամբ հասել է մի վտանգավոր աստիճանի, ինչը չի կարող չանդրադառնալ բանակցային գործընթացի վրա: Ղարաբաղյան խնդրի կարգավորումը աշխարհաքաղաքական զարգացումներով պայմանավորեց վերլուծաբան Կարեն Բեքարյանը: Իսկ կոնկրետ եկող տարվա ընթացքում արցախյան խնդիրը անմիջական կապ կունենա  Հայոց ցեղասպանության 100-րդ տարելիցի հետ:

Եվրոպական ինտեգրացիայի ղեկավարը մտավախություն ունի, որ Անկարան Ադրբեջանին անընդհատ կհրահրի: Այդ կերպ Թուրքիան կփորձի միջազգային հանրության ուշադրությունը շեղել ցեղասպանության իրողությունից, ինչը հուշում է, որ Հայաստանը պետք է զգուշավոր լինի:

Back to top button