Հայաստանում ԱՄՆ դեսպան Ջոն Հեֆֆերնը ավարտում է դիվանագիտական առաքելությունը Հայաստանում, այսօր վերջին անգամ նա հանդիպել է լրագրողների հետ:
Հազարամյակի մարտահրավերներ հիմնադրամի համար առաջարկ չի եղել, այնպես որ ծրագիրն ընթացք չի ունենա, ասել է դեսպանը:
ԱՄՆ ուզում է խորացնել Հայաստանի հետ հարաբերությունները ցանկացած ոլորտում, անգամ տնտեսական ու անվտանգության. Հայաստանը ՀԱՊԿ անդամ է, բայց համագործակցում է ՆԱՏՕ-ի հետ ու շահում է դրանից, նույնը կարող է լինել ցանկացած ոլորտում տնտեսական, առևտրի և այստեղ շահողներ ու պարտվողներ չկան հենց սկզբից ասաց Ամերիկայի դեսպանը:
Հայաստանի ԵՏՄ անդամակցության հարցի մասին խոսելով Ջոն Հեֆֆերնը կարծիք հայտնեց, որ յուրաքանչյուր ինքնիշխան երկիր կարող է անդամակցել ցանկացած միության և դա տվյալ երկրի որոշելիք հարցն է: Իսկ որքանով կազդեն Արևմուտքի ու ԱՄՆ Ռուսաստանի դեմ պատժամիջոցները Հայաստանի վրա:
«Երբ երկիրը մաս է կազմում Մաքսային Միությանը դա նշանակում է, որ պետք է պատրաստ լինի զիջումների: Թե ինչպես կազդեն պատժամիջոցները Հայաստանի վրա, կախված է նրանից, թե ինչ որոշումներ կկայացնի Հայաստանի կառավարությունը, թե ինչ չափով է պատրաստ համագործակցել ԱՄՆ հետ: Մենք փորձում ենք հասկանալ, թե ասոցացման համաձայնագրի որ կետորով կարել է համագործակցել պաշտոնական Երևանի հետ: Որոշումը պետք է կայացնի Հայաստանը: Արևմուտքը պատրաստ է , սպասում է»,- ասաց դեսպանը:
10 տարվա վիզայի տրամադրումը ՀՀ քաղաքացիներին վկայում է այն մասին, որ նահանգերն ուզում է ակտիվացնել շփումները Հայաստանի հետ, ասաց Ջոն Հեֆֆերնը, իսկ փոխարժեքի տատանումների հարցը դեսպանը շուկայի կողմից թելադրվող որոշում համարեց, ոչ թե քաղաքական:
ԱՄՆ-ն ղարաբաղյան խնդրի կարգավորման գործընթացում համանախագահող երկիր է և խոսելով Հայաստանի համար առաջնագհերթ համարվող այս խնդրի մասին դեսպանը նշեց, որ ԵԱՀԿ ՄԽ-ը լուծում չի կարող պարտադրել կողմերին, նրանք միջնորդ են ու կողմերը լուծման պետք է հասնեն իրենք իրենցով, համանախագահները կարող են օգնել այդ հարցում:
Հայաստանից Ջոն Հեֆֆերնը մեկնում է դրական տպավորություններով: Պարզվում է , ամենադժվար արտաբերվող հայերեն բառը խաղաղությունն է դեսպանի համար. «երևի բառի բարդությունն անդրադառնում է ղարաբաղյան խնդրի կարգավորման վրա»,- կատակեց դեսպանը:
«Հայաստանից հեռանում եմ դրական տպավորություններով, սիրում եմ ձեր երկիրնքը, անտառ եմ սիրում ու ջուր: Հայաստանում ամենից շատ ԱՄՆ դեսպանն օգտագործել է չրեղեն, ինչը նախկինում իր խոսքով ծտի կեր է անվանել: Մեր երկրից 100 կգ մեղր է գնել, սիրում է ընկույզ ու խորոված:
