ՀՀ վարչապետ Նիկոլ Փաշինյանը հայտարարել է, որ երկիրը չի մասնակցելու ԵՄ-ին և Եվրասիական տնտեսական միությանը անդամակցության վերաբերյալ բանավեճերին և կմնա ԵԱՏՄ անդամ, որքան հնարավոր է երկար։
Նա ընդգծել է, որ երկիրը կշարունակի իր եվրոպական ուղին՝ խորհրդարանի կողմից ընդունված օրենքի ոգով։ «Ես արդեն ասել եմ, որ մենք չենք մասնակցելու այս հարցի շուրջ բանավեճի կամ վեճի։ Մենք ԵԱՏՄ-ի լիիրավ անդամներ ենք, և քանի դեռ ԵԱՏՄ անդամ ենք, լիարժեք կմասնակցենք բոլոր որոշումների կայացմանը»,- ասել է Փաշինյանը։
Մայիսի 9-ին Ռուսաստանի նախագահ Վլադիմիր Պուտինը հայտարարել էր, որ Հայաստանի՝ Եվրոպական միություն մտնելու ծրագրերը պահանջում են «առանձնահատուկ քննարկում», քանի որ Երևանը «էական առավելություններ» է ստանում Եվրասիական տնտեսական միություն շրջանակում։
Նրա կարծիքով՝ Հայաստանը պետք է հնարավորինս շուտ հստակեցնի՝ մասնակցելու է ԵՄ-ի՞ն, թե՞ ԵԱՏՄ-ին։
«Դրան համապատասխան մենք էլ կանենք համապատասխան եզրակացություններ և կգնանք մեղմ, այսպես ասած՝ ինտելիգենտ ապահարզանի և փոխշահավետ բաժանման ճանապարհով»,- ասել է նա։
Վարչապետ Նիկոլ Փաշինյանը այսօր նշել է, որ համաձայն չէ Ռուսաստանի նախագահի ապահարզան ձեւակերպմանը։
«Կրկնում եմ. մինչև անհրաժեշտություն չառաջանա, մենք չենք պատրաստվում որևէ հարց բարձրացնել կամ հանրաքվե անցկացնել (ԵԱՏՄ-ից դուրս գալու և ԵՄ-ին միանալու վերաբերյալ)։ Մենք դա կանենք, երբ օբյեկտիվ անհրաժեշտություն լինի։ Իմ գնահատականն այն է, որ պարզապես օբյեկտիվ անհրաժեշտություն չկա. մենք մեծ հարգանք ունենք ԵԱՏՄ-ում մեր գործընկերների և ԵԱՏՄ-ում մեր անդամակցության նկատմամբ»,- ասել է վարչապետ Փաշինյանը։
