Հայաստանը շարունակաբար շարժվում է խաղաղության և ժողովրդավարության ուղով և պատրաստ է խորացնել համագործակցությունը եվրոպական կառույցների հետ, Ստրասբուրգում հայտարարել է Երեւանի ավագանու «Քաղաքացիական պայմանագիր» խմբակցության ղեկավար Արմեն Գալջյանը։
Իր խոսքում նա ընդգծել է, որ «2018 թվականի հեղափոխությունից հետո Հայաստանում ընտրությունները եղել են ազատ, արդար և թափանցիկ», նշելով, որ այս ձեռքբերումը կարևոր հիմք է երկրի ժողովրդավարական զարգացման համար։
Նրա գլխավորած պատվիրակությունը մասնակցում է Եվրոպայի խորհրդի Տեղական և տարածաշրջանային իշխանությունների կոնգրեսի 50-րդ հոբելյանական նստաշրջանին։ Պատվիրակության կազմում են Մարտունու ավագանու անդամ Լիանա Հովհաննիսյանը, Կապանի քաղաքապետ Գևորգ Պարսյանը, Տաշիրի քաղաքապետ Էդգար Արշակյանը։
