Խաղաղություն բառը կանխորոշեց մեր քաղաքականությունները․ Փաշինյան

ՀՀ վարչապետ, ՔՊ վարչության նախագահ Նիկոլ Փաշինյանը հայտարարել է, որ 2021 թվականից սկսած «խաղաղություն» գաղափարը դարձել է Հայաստանի քաղաքականությունների հիմքը։

Նրա խոսքով՝ առաջին անգամ ՀՀ ժողովուրդը դարձել է քաղաքականությունների և ռազմավարությունների իրական հեղինակ։

Մեր նախընտրական կարգախոսն է «Տե’ր կանգնիր խաղաղությանը», հայտնել է Նիկոլ Փաշինյանը։

Վարչապետը շեշտել է, որ Կառավարության առաքելությունն է փոխել «նահատակ ժողովրդի» ընկալումը և Հայաստանը դարձնել սովորական, բարեկեցիկ, ազատ և ինքնիշխան պետություն։