Հայաստանի Ազգային ժողովի նախագահ Ալեն Սիմոնյանը հայտարարել է, որ Հայաստանում 2026 թվականի հունիսին կայանալիք խորհրդարանական ընտրություններում ժողովուրդն ընտրություն է կատարելու խաղաղության և հնարավոր պատերազմի միջև:
«Արմենպրես»-ը հայտնում է, որ նա այս հայտարարությունն արել է լրագրողների հետ ճեպազրույցում։
«Ես հասկանում եմ, որ այն ուժերին, որ հիմա դահլիճում են, այն ուժերին, որոնք ուզում են խորհրդարան մտնել, պատերազմ է պետք, պատերազմի մասին խոսակցություն է պետք, որպեսզի կարողանան դրա վրա քաղաքական բան կառուցել: Բայց հիմա պատերազմ չկա, խաղաղություն է»,-ասել է Սիմոնյանը:
