Շվեյցարիայի պաշտպանության նախարար Մարտին Պֆիստերը հայտարարել է, որ, Իրանի վրա հարձակվելով, Միացյալ Նահանգները և Իսրայելը խախտել են միջազգային իրավունքը։
«Դաշնային խորհուրդը կարծում է, որ Իրանի վրա հարձակումը միջազգային իրավունքի խախտում է», — ասել է Պֆիստերը «SonntagsZeitung»-ին՝ կոչ անելով բոլոր կողմերին դադարեցնել մարտերը՝ քաղաքացիական բնակչությանը պաշտպանելու համար։
«Ամերիկացիներն ու Իսրայելը օդից հարձակվել են Իրանի վրա։ Այդպիսով՝ նրանք, ինչպես և Իրանը, խախտել են միջազգային իրավունքը», — ասել է Պֆիստերը։
Նրա մեկնաբանությունները համընկնում են Գերմանիայի փոխկանցլեր և ֆինանսների նախարար Լարս Քլինգբեյլի հայտարարությունների հետ, ով RND-ին ասել է, թե լուրջ կասկածներ ունի, որ միջազգային իրավունքի առումով պատերազմը օրինական է։
Քլինգբեյլը նաև դեմ է արտահայտվել Գերմանիայի հնարավոր մասնակցությանը պատերազմին. «Ես հստակ ասում եմ. սա մեր պատերազմը չէ։ Մենք չենք մասնակցի այս պատերազմին»։
Նա ասել է, որ չենք ուզում ապրել «մի աշխարհում, որտեղ գործում է միայն ուժեղագույնի օրենքը»։
Իսպանիան նույնպես դատապարտել է ԱՄՆ-ի և Իսրայելի կողմից Իրանի ռմբակոծությունները՝ դրանք անվանելով անխոհեմ և անօրինական։
