Գերմանիայի Կոտբուս քաղաքում անցկացվող աշխարհի գավաթի ընթացքում նժույգ թափեր վարժության ժամանակ Հայաստանը ներկայացնող Մամիկոն Խաչատրյանը արծաթե մեդալ է նվաճել, հայտնում են Հայաստանի մարմնամարզության ֆեդերացիայից:
Ոսկե մեդալը բաժին է հասել Իտալիային, իսկ բրոնզը՝ Ղազախստանին։
Ավելի վաղ հայտնել էին, որ օղակներով վարժության ժամանակ Հայաստանը ներկայացնող Արթուր Ավետիսյանն առաջին տեղն է զբաղեցրել։
Հայաստանի ներկայացուցիչը 14.366 միավոր է հավաքել, 2-րդ տեղում է Ադրբեջանը ներկայացնող Նիկիտա Սիմոնովը՝ 14.000 միավորով, 3-րդ հորիզոնականը զբաղեցրել է ԱՄՆ ներկայացուցիչ Քեմերոն Նելսոնը՝ 13.866 միավորով։
Այսպիսով, օղակների վարժությունում ոսկե մեդալը բաժին է հասել Հայաստանին, արծաթը՝ Ադրբեջանին, իսկ բրոնզը՝ ԱՄՆ-ին։
