Աշխարհահռչակ «Կնքահայրը» եւ «Ապոկալիպսիսը հիմա» ֆիլմերով աշխարհին հայտնի Ռոբերտ Դյուվալը մահացել է 95 տարեկանում, հայտնում են ամերիկյան ԶԼՄ-ները։
Դերասանը մահացել է կիրակի օրը՝ Վիրջինիա նահանգի իր տանը, նշված է նրա կնոջ` Լուսիանայի անունից տարածված հայտարարության մեջ։
«Ամբողջ աշխարհի համար նա դերասան էր, «Օսկար» մրցանակի դափնեկիր, ռեժիսոր եւ պատմող։ Ինձ համար նա պարզապես ամեն ինչ էր»,- ասել է Լուսիանան։
Դյուվալը վեց անգամ առաջադրվել էր «Օսկար» մրցանակի , 1983 թվականին ստացել այն «Լավագույն տղամարդ դերասան» անվանակարգում` «Նուրբ գթասրտություն» ֆիլմում անհաջողակ քանթրի երգչի կերպարի համար։
