Հանրային ռադիոն բացի փետրվարի 13-ից, որը ՅՈՒՆԵՍԿՕ-ն հռչակել է Ռադիոյի համաշխարհային օր, իր առանձին օրն էլ ունի՝ սեպտեմբերին։ Բայց այս տարին Հանրային ռադիոյի համար առանձնահատուկ է․100-ամյա իր ձայնային «մատնահետքը» թողած ու թողնող կառույցում հերթական միջոցառմանն է ընդգծվում ռադիոյի և երաժշտության փոխադարձ կապը։
Ռադիոտան լեգենդար Կարմիր ստուդիայում կազմակերպված հերթական միջոցառումն ընդգծում է, որ Հանրային ռադիոն ոչ միայն տեղեկատվական հարթակ է, այլև մշակութային ու կրթական կենտրոն, որտեղ պահպանում և ներկայացնում են հայկական երաժշտական ժառանգությունը՝ նոր սերնդի համար ստեղծելով լսողական եզակի փորձառություն։
