Իրանի արտգործնախարար Աբբաս Արաղչին մեկնել է Շվեյցարիա, որտեղ փետրվարի 17-ին Օմանի միջնորդությամբ բանակցություններ տեղի կունենան Իրանի միջուկային հարցի շուրջ, հայտարարել է Իսլամական Հանրապետության արտաքին գործերի նախարարությունը:
«Այս ուղևորության ընթացքում արտաքին գործերի նախարարը նաև կհանդիպի և բանակցություններ կվարի Շվեյցարիայի արտաքին գործերի նախարարի, Օմանի արտաքին գործերի նախարարի, Ատոմային էներգիայի միջազգային գործակալության գլխավոր տնօրենի և Շվեյցարիայում գտնվող միջազգային կազմակերպությունների այլ պաշտոնյաների հետ», — նշվում է հայտարարության մեջ:
