Ուղիղ մեկ շաբաթ առաջ ադրբեջանական օդուժը շփման գծում խոցեց հայկական ուղղաթիռը:Անդրադառնալով միջադեպին «Ռեգնում» գործակալությունը գրում է, որ դեպքին տրվում են տարբեր գնահատականներ և մեկնաբանություններ, սակայն այն փաստը, որ ադրբեջանակն կողմը կրակահերթի տակ պահելով ուղղաթիռի կործանման վայրը թույլ չի տալիս մոտենալ բեկորներին և անձնակազմի անդամների մարմիններին, կարելի է մեկնաբանել միանշանակ:«Բաքուն մեծ հաշվով պատրաստ է ընդունել և առանց որևէ խնդիրների մարսել անզեն ուղղաթիռի խոցման մեղադրանքը:Սակայն թույլ չտալ հայկական կողմին տանել զոհվածների մարմինները զզվելի արարք է և հատուկ ցինիզմի դրսևորում», ընդգծում է«Ռեգնում»-ի հոդվածագիրը:
