Արցախի նախկին նախագահ Արայիկ Հարությունյանը դատապարտվեց ցմահ ազատազրկման, հայտնում են ադրբեջանական լրատվամիջոցները։
Նա մեղադրվում է Ադրբեջանում «ռազմական հանցագործություններ» կատարելու մեջ։
Արցախի նախկին նախագահներ Բակո Սահակյանն ու Արկադի Ղուկասյանը դատապարտվեցին 20 տարվա ազատազրկման:
Արցախի ՊԲ նախկին ղեկավար Լևոն Մնացականյանը, ԼՂ ՊԲ նախկին հրամանատարի տեղակալ Դավիթ Մանուկյանը ևս դատապարտվեցին ցմահ ազատազրկման։
Արցախի նախկին ԱԳ նախարար Դավիթ Բաբայանը դատապարտվեց ցմահ ազատազրկման:
Արցախի նախկին ԱԺ նախագահ Դավիթ Իշխանյանը դատապարտվել է ցմահ ազատազրկման:
Մադաթ Բաբայանը դատապարտվել է 19 տարվա ազատազրկման, իբրև թե «Խոջալուի ցեղասպանությանը» մասնակցության մեղադրանքով։
Բաքվի կողմից կազմակերպված շինծու դատավարությունը սկսվել է 2025 թվականի հունվարի 17-ին։
Դեկտեմբերի 26-ին դատավորների կազմը հեռացել էր խորհրդակցական սենյակ։
