Հասարակություն

ՀԱԲ. ԱՊՊԱ պայմանագիրը կնքեք մինչեւ նախորդի ժամկետի ավարտը

Հայաստանի ավտոապահովագրողների բյուրոն վարորդներին կոչ է արել ԱՊՊԱ պայմանագիրը կնքել՝ նախորդի ժամկետը լրանալուց առնվազն 10 օր առաջ՝ դա պատճառաբանելով դեկտեմբերի- հունվար ամիսներին կուտակվող հերթերով։

«Հաշվի առնելով, որ  դեկտեմբեր և հունվար ամիսները հանդիսանում են  ԱՊՊԱ պայմանագրերի վերակնքման առավել ակտիվ ժամանակահատված, Հայաստանի ավտոապահովագրողների բյուրոն  հորդորում և հիշեցնում է  ավտովարորդներին. նոր ԱՊՊԱ պայմանագիր կնքելու գործընթացը չհետաձգել մինչև նախկին պայմանագրի ժամկետի ավարտը, այլ կնքել պայմանագիր նախապես`  նախորդ պայմանագրի ավարտից առնվազն տասն օր առաջ: Նախօրոք կնքելով ԱՊՊԱ պայմանագիր` ավտովարորդները կխուսափեն ինչպես ապահովագրական ընկերություններում սպասվելիք հերթերից, այնպես էլ  հերթերի կամ այլ խնդիրների պատճառով պատշաճ ժամկետում պայմանագիրը  չկնքելու հետևանքով հնարավոր տուգանքներից»,- ասված է բյուրոյի այսօր տարածած հաղորդագրության մեջ։

Back to top button