ԱՄՆ նախագահ Դոնալդ Թրամփը դեկտեմբերի 17-ի երեկոյան Սուրբծննդյան ուղերձում ընդգծել է իր վարչակազմի նվաճումները, սպառողական գների բարձրացման համար քննադատել իր նախորդին՝ Ջո Բայդենին։ Ելույթը տևել է մոտ 20 րոպե։
«Տասնմեկ ամիս առաջ ես ժառանգեցի քաոս, հիմա ես այն շտկում եմ»,- հայտարարել է Թրամփը:
Հանրապետական նախագահը, որը պարբերաբար պնդում է, որ իր նվաճումները թերագնահատված են, ներկայացրել է մի քանի նոր նախաձեռնություններ՝ բարձր գների դեմ պայքարելու համար։
Թրամփը գովաբանել է իր վարչակազմի վերջին տարվա գործողությունները, այդ թվում՝ սահմանային ապօրինի հատումների կրճատումը և որոշակի ապրանքների գների նվազումը։ Նա խոստացել է, որ հաջորդ տարի երկիրն ավելի ուժեղ կլինի։
