Վարչապետը հերթական պատարագին է մասնակցել, ներկա էր նաև Տ․ Նավասարդ արքեպիսկոպոս Կճոյանը

Այսօր կիրակնօրյա պատարագներ են մատուցվել հայ առաքելական եկեղեցիներում: Վարչապետ Նիկոլ Փաշինյանը պատարագի է մասնակցել Երևանի Սուրբ Սարգիս եկեղեցում։ Ներկա են եղել նաև քաղաքապետը, կառավարության անդամներ ու կուսակիցներ։ Պատարագին միջադեպ է գրանցվել։ Ներկա քաղաքացիներից մի քանիսն իրենց դժգոհությունն են հայտնել, որ պատարագի ժամանակ զեղչվել է կաթողիկոսի անունը, որից հետո անվտանգության աշխատակիցները նրանց դուրս են բերել եկեղեցուց։ Ավելի ուշ ՆԳՆ-ն պարզաբանել է, որ միջադեպի կանխման և անվտանգության ապահովման նկատառմամբ երկու անձ հեռացվել է Սուրբ Սարգիս եկեղեցու բակից։ Գերատեսչությունից տեղեկացրել են, որ ձերբակալվածներ չկան։