Ուկրաինայի նախագահ Վոլոդիմիր Զելենսկին հայտարարել է, որ իր նախագահի աշխատակազմի ղեկավար և մտերիմ գործընկեր Անդրեյ Երմակը հրաժարական է տվել, որը նա ընդունել է։ Այս պաշտոնում Երմակն աշխատել է հինգ տարի, գրում է BBC-ին։
Վոլոդիմիր Զելենսկին Երմակի հրաժարականի մասին հայտարարել է իր երեկոյան ելույթում։
«Ես ուզում եմ, որ ոչ ոք հարցեր չունենա Ուկրաինային։ Հետևաբար, այսօր կայացվում են հետևյալ ներքին որոշումները։ Նախ, տեղի կունենա Ուկրաինայի նախագահի աշխատակազմի վերագործարկում։ Գրասենյակի ղեկավար Անդրեյ Երմակը հրաժարական է տվել»,-հայտարարել է Ուկրաինայի նախագահը։
Նա հավելել է, որ գրասենյակի նոր ղեկավարի նշանակման վերաբերյալ խորհրդակցությունները տեղի կունենան շաբաթ օրը։
Երմակի ազատումը տեղի է ունեցել Ուկրաինայում կոռուպցիոն սկանդալի ֆոնին։
Նոյեմբերի 28-ի առավոտյան, Ազգային հակակոռուպցիոն բյուրոն (NABU) խուզարկել է նրա բնակարանը։ Երմակը «լիարժեք համագործակցություն է ցուցաբերել» քննիչների հետ և նրանց «լիարժեք մուտք է տրամադրել բնակարան»։
Ուկրաինայի նախագահի աշխատակազմի արդեն նախկին ղեկավարը դեռևս չի մեկնաբանել հրաժարական տալու իր որոշումը։
