Հայաստանի աշխատաշուկան ուշագրավ առանձնահատկություն ունի՝ աշխատանքի պահանջարկ կա, մասնագետների նույնպես, բայց հարյուրավոր աշխատատեղեր թափուր են։ Թեև ոլորտը դինամիկ զարգանում է, սակայն գործատուն ու աշխատողը շարունակում են փնտրել միմյանց՝ հաճախ չգտնելով այն, ինչ անհրաժեշտ է։ Ինչո՞ւ չի կայանում հանդիպումը, ի՞նչն է խանգարում դրան։ Աշխատաշուկայի խնդիրներին նվիրված համաժողովին մասնագետները տարբեր պատճառներ են նշել՝ մասնագիտական ոչ ճիշտ կողմնորոշումից մինչև գործնական գիտելիքների պակաս։
