Կոմիտասի պողոտայի «Երևան Սիթի»-ի հրդեհը առավոտյան ժամը 11-ի սահմաններում բռնկվելուց շուրջ 3 ժամ անց մեկուսացվել և մարվել է։ Ըստ Փրկարար ծառայության տարածած հաղորդագրության՝ հաջողվել է կանխել հրդեհի տարածումը շինության մյուս հատվածներ և հարակից տարածքում գտնվող բենզալցակայան։ ՆԳ նախարարի տեղակալը լրագրողներին ասել է, որ հրդեհի բռնկման պատճառների մասին խոսել հնարավոր կլինի փորձաքննության ավարտից հետո։ Հայտնի է, որ հրդեհը սկսվել է «Երևան սիթի»–ում գործող KFC սննդի կետի տարածքից։
