Կենտուկիում բեռնատար ինքնաթիռի կործանման հետևանքով զոհերի թիվն ավելացել է։
Երեքշաբթի երեկոյան Կենտուկի նահանգի Լուիսվիլ քաղաքի օդանավակայանից թռիչքի ժամանակ UPS բեռնատար ինքնաթիռի վթարի հետևանքով զոհվել է առնվազն 12 մարդ, BBC-ի փոխանցմամբ հայտնել է նահանգի նահանգապետ Էնդի Բեշիրը։
Նրա խոսքով՝ զոհերի թիվը կարող է ավելանալ, և, հավանաբար, զոհերի թվում կա առնվազն մեկ երեխա։ Բեռնատար ինքնաթիռը պայթել է Լուիսվիլի Մուհամմադ Ալիի անվան միջազգային օդանավակայանից մեկնելիս՝ տեղական ժամանակով ժամը 17:15-ի սահմաններում (22:15 GMT), ասել է նա։
Ազգային տրանսպորտի և անվտանգության խորհուրդը հայտնել է, որ թռիչքի ժամանակ ձախ շարժիչը բռնկվել է և թևից ընկել, ինչի հետևանքով խոշոր հրդեհ է բռնկվել։
Ավտովթարի հետևանքով վիրավորվել է տասնյակից ավելի մարդ՝ այրվածքներից և բեկորային վնասվածքներից մինչև ծխից թունավորում։
Ավելի վաղ՝ Reuters-ը հայտնել էր, որ «United Parcel Services» (UPS) ընկերության MD-11 կործանված բեռնատար ինքնաթիռը տեղափոխում էր շուրջ 144 000 լիտր վառելիք։
