Փարիզի դատախազ Լոր Բեքուոյի տեղեկացմամբ՝ Լուվրի թանգարանում տեղի ունեցած 88 միլիոն եվրո արժողությամբ զարդերի գողության գործով ձերբակալված երկու տղամարդ «մասամբ խոստովանել են» իրենց մասնակցությունը, հայտնում է BBC-ին։
Ըստ դատախազի՝ զարդերը դեռևս չեն հայտնաբերվել, և տեսախցիկներով ֆիքսված անձանցից բացի, կողոպուտին ներգրավված ավազակախումբը կարող է ավելի մեծ լինել։
Կասկածյալները, որոնք երեսուն տարեկան են և ունեն քրեական անցյալ, նույնականացվել են ԴՆԹ-ի միջոցով։
Գողերը հոկտեմբերի 19-ին էլեկտրական գործիքներով ներխուժել էին Ապոլոնի պատկերասրահ և չորս րոպեում փախել՝ երկու սքութերով։ Գողացված զարդերը դեռևս չեն հայտնաբերվել, քննությունը շարունակվում է՝ պարզելու հնարավոր այլ մասնակիցների ինքնությունը։
Գողությունից հետո Լուվրն իր ամենաթանկարժեք զարդերից մի քանիսը փոխանցել է Ֆրանսիայի բանկին։
