Կենտրոնական բանկը զգուշացնում է. իր անունից ուղարկված էլ.նամակները կեղծ ու վիրուսային են

Կենտրոնական բանկը տեղեկացնում է, որ ԿԲ անունից ուղարկվում են ֆիշինգային էլեկտրոնային նամակներ, այդ թվում՝ [email protected] էլեկտրոնային փոստից՝ կցված PDF ձևաչափով ֆայլով։

Նշված նամակները վիրուսային են և կեղծ, հայտնում է ԿԲ-ն

«Խնդրում և հորդորում ենք՝

• չբացել կցված ֆայլերը
• չսեղմել նամակի մեջ տեղադրված հղումներին
• անմիջապես ջնջել նման նամակները»

Կենտրոնական բանկը հայտարարել է, որ որևէ առնչություն չունի տվյալ նամակների հետ և երբևէ չի տարածում տեղեկատվություն կամ փաստաթղթեր նման եղանակով և նման էլեկտրոնային հասցեներից։

ԿԲ-ն քաղաքացիներին խնդրել է ցուցաբերել զգոնություն և հետևել կիբերանվտանգության հիմնական կանոններին։