Նախագահ Վահագն Խաչատուրյանը հոկտեմբերի 3-ին հրամանագիր է ստորագրել, որով Դավիթ Գրիգորյանին Կոտայքի մարզի առաջին ատյանի ընդհանուր իրավասության դատարանի դատավոր է նշանակել։
Դատավորը հայտնի է մի քրեական վարույթով, որով արդեն իսկ արդարացվել է։
Դավիթ Գրիգորյանին մեղադրանք էր առաջադրվել ՀՀ նախկին քրեական օրենսգրքի 314-րդ հոդվածի 1-ին մասի հատկանիշներով՝ պաշտոնատար անձի կողմից շահադիտական նպատակով կամ անձնական այլ դրդումներով կամ խմբային շահերից ելնելով պաշտոնեական կեղծիք կատարելու համար։
Հակակոռուպցիոն դատարանն այս տարվա հունվարի 22-ին արդարացման վճիռ է կայացրել՝ ճանաչելով Դավիթ Գրիգորյանի անմեղությունը։
