Հայաստանում, ինչպես ամբողջ աշխարհում, կանանց շրջանում կրծքագեղձի քաղցկեղն ամենատարածվածն է:
ՀՀ առողջապահության նախարարությունից հայտնում են, որ Սքրինինգային ծրագրերի ներդրման շնորհիվ` մեր երկրում վերջին տարիներին 10%-ով կրճատվել է կրծքագեղձի քաղցկեղի արդեն 4-րդ փուլ հասած դեպքերի հայտնաբերելիությունը: Վաղ հայտնաբերման դեպքում այն ամբողջովին բուժելի է:
Կրծքագեղձի չարորակ նորագոյացության դեպքում վիրահատությունը, ճառագայթային թերապիան, ինչպես նաև որոշ թանկարժեք դեղեր տրամադրվում են պետական պատվերի շրջանակում:
Այս ամիսը հիշեցնում է բոլոր կանանց ուշադրություն դարձնել իրենց առողջությանը․
- անցկացնել կանոնավոր զննություններ,
- իմանալ ինքնազննման քայլերը,
- խրախուսել մտերիմներին անցնել ստուգումներ:
